Trillo pinalitan ni Compton

MANILA, Philippines - Sisimulan ngayon ni Alex Compton ang kanyang trabaho bilang bagong head coach ng Alaska sa pagharap nila sa Talk ‘N Text.

Ito ay matapos tanggapin ni team owner Wilfred Steven Uytengsu ang resignation letter ni Luigi Trillo isang araw makaraan ang 91-95 kabiguan ng Aces sa Globalport Batang Pier noong Biyernes sa elimination round ng 2014 PBA Governors’ Cup.

“We are appreciative of Luigi’s efforts during his tenure as head coach and in piloting the Aces to our 14th PBA title,” wika ni Uytengsu kay Trillo.

Matapos ihatid ng dating La Salle Green Archer na si Trillo ang Alaska sa korona ng 2013 Commissioner’s Cup ay hindi na nakalampas sa quarterfinal round ang koponan sa nakaraang tatlong komperensya.

Si Compton ang ikatlong coach ng Aces matapos lumipat si Grand Slam coach Tim Cone sa San Mig Coffee noong 2011.

Ang 5-foot-11 na si Compton ay naging ikalawang import ng Rain or Shine noong 2007 at 2008 Fiesta Conference

Naging assistant siya ni Leo Austria sa Welcoat at kay Bo Perasol sa Coca-Cola at sa pagbubukas ng PBA season ay inilista bilang coach ng Globalport.