Gold medal para kay Martinez

MANILA, Philippines - Tumapos si Olympian Michael Christian Martinez na may 195.13 points sa free skate finals ng Senior Men’s category para ibulsa ang gold medal sa katatapos na Triglav Trophy International Figure Skating Competition sa Jesenice, Slovenia.

“I thank God for this blessing, another gold medal in the senior event. I’m very happy I made it to first place,” sabi ni Martinez sa kanyang Facebook page.

Tinalo ng 18-anyos na si Martinez ang mga pambato ng Japan, Uni-ted Kingdom, Korea, Austria at Norway para sa gintong medalya.

Ang gold medal sa Triglav Trophy ang pa-ngatlo ngayon ni Martinez sa senior level kasama ang paghahari sa Skate Helena sa Serbia at sa Crystal Skate noong 2012 sa Romania.

Ang Triglav Trophy  na sinimulan noong 1992 ay nilalahukan ng 100 na pinakamahuhusay na batang figure skaters sa buong mundo.

Pumuwesto naman sa ikaanim si Filipino Ame-rican Samantha Cabiles sa Junior Ladies’ category mula sa sumaling 21 ska-ters sa kanyang 100.04 points.

Kinilala ng Philippine Skating Union (PhSU), miyembro ng Internatio-nal Skating Union(ISU), sina Martinez at Cabiles bilang kinatawan sa Trig-lav Trophy.

Nagsimula si Martinez sa figure skating sa edad na 8-anyos matapos makapanood ng mga figure skaters sa SM Southmall.