Lumakas ang tsansa ng Phl men’s volley team sa pag-atras ng Alsahel squad ng Kuwait

MANILA, Philippines - Nabawasan ng problema ang Phi-lippine Team sa pag-atras ng Alsahel Sports Club ng Kuwait para sa 2014 Asian Men’s Club Volleyball Championship (AMCC) na inihahandog ng PLDT Home Fibr.

Ipinaalam ng Alsahel Sports Club ang kanilang pag-atras sa Asian Volleyball Confederation (AVC) na idaraos sa Abril 8-16 sa MOA Arena at sa Cuneta Astrodome sa Pasay City.

Sinabi ng koponan na nabigo silang makakuha ng clearance mula sa Kuwait Public Authority for Youth and Sports.

Ang withdrawal letter ay nilagdaan ni Secretary General Abdullah K. Alenezi.

Magkasama ang Kuwait at ang Phi-lippine team sa Group A bukod pa sa Iraq at Mongolia.

“It is unfortunate that withdrawals should come at this very late stage when everything is set and ready for the Asian Men’s Club Championship,” sabi ni Ramon ‘Tats’ Suzara, bahagi ng nag-oorganisang Sportscore at isang top official ng AVC. “But the league will continue on with 16 teams and four groups, which is still a very impressive count,” dagdag pa nito.

Sinabi naman ni National head coach Francis Vicente, sinasanay ang koponan ngayon sa Korea, na ang pag-atras ng Kuwait ang magbibigay sa kanila ng tsansang makapasok sa susunod na round.

Bukod sa Kuwait, umatras din ang club team ng India, nasa Group D kasama ang China, United Arab Emirates, Papua New Guinea at Chinese Taipei.

Ang Group B ay binubuo naman ng Iran, Japan, Lebanon at Vietnam, habang nasa Group C ang 2013 runners-up, Qatar, Kazakhstan, Oman, Hong Kong at Turkmenistan.

Ang Pilipinas ay kakatawanin ng PLDT HOME TVolution team, kikila-lanin din bilang Power Pinoys na kinabi-bilangan nina JP Torres, Ron Jay Galang, Jeffrey Malabanan, Alnakran Abdilla at actor-sportsman Richard Gomez katuwang sina Australian imports Cedric Legrand at William Robert Lewis.