Boss Jaden nakapasok sa palakihan ng premyo mula sa nakuhang P1.2 milyon sa PCSO National Grand Derby

MANILA, Philippines - Ang panalong nakuha sa pakarera ng Philippine Charity Sweepstakes Office noong nakaraang bu­wan ang nagtulak sa Boss Jaden para pumasok sa unang tatlong puwesto sa palakihan ng kinita ng mga matitinding kabayo sa taong ito.

Kumabig ng kabuuang P1.2 mil­­yong gantimpala ang Boss Jaden nang do­minahin ang PCSO Natio­nal Grand Derby na ginawa sa San Lazaro Leisure Park sa Carmona, Cavite.

Ito ang unang pana­lo ng kabayo bukod sa tat­long pangalawa at pa­­ngatlong puwesto at isang kuwarto puwes­tong pag­ta­tapos para kumabig ng P2,411,443.42.

Noong buwan ng Hul­yo ay nasa ika-13 puwesto lamang ang kabayo.

Ngunit sampung bai­tang ang inilundag ng Boss Jaden matapos ang buwan ng Agosto.

Bagama't hindi isinabak sa laban ay hindi na­man nawala sa unang da­lawang puwesto ang Hag­dang Bato.

Kasunod nito ang double leg winner ng 2013 Phil­racom Triple Crown Cham­pionship na Spinning Ridge.

May P4,420,000.00 na kinita ang 2012 Horse of the Year na Hagdang Ba­to  sa tatlong matitinding pa­nalo sa mga karerang si­nalihan.

Ang kabayong Spinning Ridge ay mayroong kitang P3,961,541.19 mu­la sa apat na panalo at da­la­wang tersero puwestong pag­tatapos.

Ang dating nasa ikatlong puwesto na Divine Eagle na nagposte ng kinitang P2,219,160.68 ay bumaba sa ikaapat na puwesto matapos ipahi­nga sa nagdaang buwan katulad ng mga kabayong Be Humble at Jazz Connection.

Ang Be Humble at Jazz Con­nection ay na­la­gay sa ika-lima at pang-anim na puwesto mu­­la sa P2,144,108.50 at P1,729,689.91 na kinita.

Ang Crucis na nagwa­gi sa nakaraang Atty. Rod­­­rigo Salud Cup para ku­nin ang P300,000.00 gan­­timpala ang nasa ika­pitong puwesto bitbit ang P1,522,217.04 sa pi­tong panalo at tatlong tersera puwesto.

Ang kukumpleto sa unang sampung puwes­to ay ang Hi Money (7-3-2-1) na kumolekta ng P1,427,189.61 prem­yo, ang Snake Queen (9-4-2-3) na kumabig ng P1,397,860.71 at ang Hot And Spicy (3-3-1-2) na humakot ng P1,385,102.94 premyo.