Wushu, tennis sa PSA Forum
MANILA, Philippines - Panauhin sina Wushu Federation of the Philippines secretary-general Julian Camacho at ang Philippine Davis Cup team sa pangunguna ni National coach Roland Kraut sa PSA Forum ngayon sa Shakey’s Malate.
Inaasahang tatalakayin ni Camacho, treasurer ng Philippine Olympic Committee ang tungkol sa China trip na plano para sa wushu team bilang paghahanda sa Southeast Asian Games sa Myanmar sa December.
Magbibigay naman ng update si Kraut tungkol sa Davis Cup team na nakatakdang humarap sa Thailand para sa semifinals ng Asia-Oceania Group II tie.
Tatalakayin din ng batang tennis coach ang hindi pagkakasama ng tennis sa SEA Games calendar of events sa sesyon na maririnig ng live sa DZSR Sports Radio 918 at hatid ng Shakey’s at Philippine Amusements and Gaming Corporation.
Makakasama nila sa public sports program sina Xtreme Adrenalin Sports entertainment race director Samuel Mark Tamayo at Honda Philippines adverti-sing supervisor Lloyd Garces para i-promote ang nalalapit na motocross event.
- Latest
