NAINTRIGA si Brent sa sinabi ni Maya na wala pala raw siyang kaalam-alam sa mga nangyayari.
“Mukhang atrasado na ako sa balita ah.”
“Ano pa?’’
“Ano ‘yung hindi ko alam, Maya?’’
“Bukas papasok na si Vivian.’’
Nagulat si Brent.
“Ha? Akala ko resign na siya?’’
“Anong resign?’’
“Di ba naging kontrobersiya siya?’’
“Oo pero hindi naman ibig sabihin nun, talsik na siya rito.”
“Bakit daw babalik?’’
“Pinababalik daw ni Boss. Siya lang yata ang may alam ng trabaho niya rito at saka ninong yata ni Mam Vivian si Boss sa kasal.’’
“Ganun ba?’’
“E yung ‘kaano’ niya?’’
“Ikaw ha, marites ka na rin ngayon ha?’’
“Mana ako sa’yo, ha-ha-ha!’’
“Ikaw ha, nakikitsismis ka ha?’’
“Konti lang.’’
“Anong gusto mong malaman?’’
“Patuloy pa rin ba ang relasyon ni Vivian at Oscar?’’
Napangiti si Mara.
Itutuloy