Kim-nag ala barbie sa beach!

Kim Chiu

Lalong pinainit naman ng What’s Wrong with Secretary Kim actress na si Kim Chiu ang summer nang i-post niya ang bikini photos niya.

Suot ang isang pink bikini ay ‘di nagpaawat ang aktres sa pagbilad ng kanyang hot bod habang nakatayo at nakasandal sa isang puno sa isang beach. Nag-ala Barbie nga ito na ang perfect daw talaga. Wala raw maipintas ang netizens dahil napaka-flawless ng katawan nito.

“Still on 4.19 high!” caption niya na tila hindi pa nakaka-move on sa kanyang birthday noong April 19 na ginanap din sa isang beach kasama ang pamilya at mga kaibigan kasunod ng kasal ng best friend niya at aktres na si Angelica Panganiban.

Speaking of Barbie, i-post din kaya ni Barbie Imperial ang beach photos niya sa Amanpulo kung saan diumano spotted sila kamakailan ng aktor at ex-hubby ni Sarah Lahbati na si Richard Gutierrez?

Maaalalang isinulat namin dito sa Pilipino Star NGAYON at Pang Masa na nakita diumano sila ng isang source sa nasabing luxury resort kung saan masyado raw conscious si Barbie.

Show comments