CEBU, Philippines — Nagmalampuson ang parada sa kapistahan sa lungsod sa Minglanilla kagahapong adlawa.
Pinangulohan ni mayor Rajiv Enad nahimong bongga ug malampuson ang kalihukan.
Si Enad uban sa Minglanillahanon, mga nasudnong opisina sa gobyerno ug sektor sa mga negosyante ang nisalmot sa parada.
Matud pa ni Enad nga ang kapistahan nagtimaan sa tinuod nga pagkahiusa sa taga Minglanilla. Sila nagsaulog sa kapistahan sa ilang patron nga Immaculate Heart of Mary.
Si Glenn Antigua, pangu sa Minglanilla Traffic Commission (MITCOM) nagkanayon nga walay problema sa dagan sa trapiko sa lungsod. Wala sab silay namonitor nga dagko nga panghitabo diha sa kadalanan nga nakapabara sa dagan sa trapiko.
Dako ang iyang pasalamat sa tanan nga miduyog kanila sa kapistahan ug gisaulog kini nga malinawon. MEL (BANATNEWS)