Star of the Night taga Pinamungajan

CEBU, Philippines — Wala’y uwan nga makapugong sa pagbalik sa prestihiyoso nga sangka sa pag-awit nga mao ang Sinulog Idol kun diin anaa na kini sa ika-14 nga edisyon.

Bisan pa man og nagpatuyang og bunok ang uwan ug nakasinati og pagbaha ang Fuente Osmena Circle  sa Dakbayan sa Sugbo, padayon gihapon nga mipasundayag ug nagsangka ang 12 ka mga finalists atol sa unang gabii sa Elimination Night.

Karong tuiga, mas espesyal kini gumikan kay human sa duha ka tuig nga milabay human kita naigo sa pandemya, mibalik na sab og pagpanawat ang nagpadayon nga nagtubo nga pamilya aron nga madungagan ang mga miyembro  niini kun diin 12 ka mga bag-ong tubo sa mga mangantahay nga naggikan sa nagkadaiyang dapit sa Sugbo nga usa lang ang buot ug tinguha -- ang mahimong sunod nga Sinulog Idol.

Gipakita ug gipadungog sa mga finalists ang ilang kaugalingon nga napilian nga mga kanta tungod kay “Idol’s Choice” ang tema sa maong gabii.

Nahimong Star of the Night ang pambato sa Pinamungahan nga mao si Jovie Loon kun diin gihatagan niya og kinabuhi ang awit ni Sam Smith nga “Lay Me Down”.

Matud pa ni Jovie nga wala gyud siya magdahum nga siya ang mapilian gumikan kay nakita niya nga ang iyang mga kakompetensya nga maayo pud kini nga miawit sa ilang mga napili nga kanta.

“Grabe, ang ako lang ba kay ma safe lang akong performance, but grabe ang gihatag ni Lord kay ako gyud ang gipili nga Star of the Night”, matud pa ni Loon.

Dugang pa ni Loon nga mapasalamaton siya sa maong kahigayunan ug nakauyon sab gyud siya sa mga komento gikan sa mga hukom nga sila si Apple Abarquez, Ryan Borinaga, ug Jay Unchuan.

“Dili man gyud perfect akong performance and kahibalo ko nga daghan pa ko og angay nga i-improve ug dako ang akong pagsalig nga matabangan ko og improve pinaagi sa Sinulog Idol”, siya miingon.

Taas pa ang latason ni Jovie kauban ang iyang mga kakompetensya gumikan kay anaa pay lima na lang ka gabii nga elimination night sa dili pa ang grand finals.

Ang mga katigi ni Loon alang sa titulo nga Sinulog Idol Season 14 mao sila si Marianne Mae Shanen Garciso, Hidle Lyn Resurrecion, Chriszandra Mae Pateres, Mary Therese Jade Damos, Yeza Karyl Mayol, Jaienne Braveree Suralta, Raffy Buencorsejo, Johnel Bucog, Dominic Quibido Jr., Maxell Muldez, ug Doreen Geralla.  Sa maong gabii, walay nataktak sa mga finalist ug makapadayon pa kini sa kompetisyon.

Parents na

Mommy ug daddy na gyud sila si Jessy Mnediola ug Luis Manzano. Gihimugso ni Jessy ang ilang unang anak ni Luis kagahapon.  “Isabella Rose Tawile Manzano. Kana maoy kompletong ngalan sa ilang anak. Tawile ang tinuod nga apelido ni Jessy. Suma pa sa bag-ong mommy sa iyang IG kagahapon: “I never knew I could love like this."

Dating gyud

Giangkon ni Carlo Aquino ngadto sa PEP nga labaw pa sa panaghigala ang relasyon nila karon ni Charlie Dizon. "Dating" ang ilang estado. Suma 37-anyos nga si Carlo, una silang nagkatrabaho sa 26-anyos nga si Charlie sa A Soldier's Heart teleseries niadtong 2020. Apan mas nagkaila sila human sila nagkakuyog sa Star Magic tour sa Amerika sa nilabay nga tuig. "Mas naging okay kami sa U.S. until now. Nagkikita-kita kami, lumalabas."

Cocunut Oil

Gitubag na ni Solenn Heussaff ang pangutana sa iyang followers giunsa niya nganong wala siyay stretch marks bisan makaduha na siya nagmabdos. Sa iyang latest vlog, niingon si Solenn nga hayan kaliwat gyud nila ang walay stretch marks. Apan kun aduna man gani siyay gihimo nga hayan nakatabang sab nganong wala siya nagka stretch marks kini mao ang cocunut oil.  "I've been using a lot of coconut oil. So every day I put coconut oil so I don't really have stretch marks. I have lots of veins, I have my pokes from the injections but right now it's not so bruised. But what worked for me was coconut oil day and night, day and night, day and night. Coconut oil everywhere."

Maayo kaayo si Julia

Lahi nga Julia Montes ang makita sa pelikulang Topakk, suma pa sa bida niini nga si Arjo Atayde. Sa balita sa abs-cbn news, nagkanayon si Arjo: “Sobrang galing and professional ni Julia. Ito, kakaibang Julia talaga. Trust me. Her character. Her words. Ang daming bago sa kanya rito. She really brought her A-game. Ang galing n’ya. She really did something different. Lalo na sa action scenes n’ya." Ang Topakk nga usa ka hard-action movie sa direksyon ni Richard Somes, kabahin sa usa ka kanhi special action force operative nga nahiagom  og post traumatic syndrome disorder (PTSD) nga makontrahan og usa ka sindikato human magkuros ang ilang dalan sa usa ka babaye (Julia).