CEBU, Philippines — Hingpit na nga nagkahiusa pagbalik ang mga kanhi Miss Universe winners nga sila si Pia Wurtzbach, Iris Mittenaere, Pia Wurtzbach, ug Demi-Leigh Tebow. Silang tulo maoy mga host sa Miss Universe Philippines 2022, nga gipahigayon kagabii sa MOA Arena.
Apan, una na silang nagkahiusa niadtong Biyernes sa ilang rehearsal alang sa nahisgutang indigay sa kaanyag.
Nagsunod og tuig ang tulo. Si Pia nidaog niadtong 2015. Si Iris niadtong 2016. Ug si Demi niadtong 2017.
Apan ang mas maanindot nga istorya nga naglambigit nilang tulo, dili kay mao lang ang ilang panagsunod og tuig, kundili ang si kinsay ilang gipasahan sa korona.
Si Pia, nipasa sa korona ngadto kang Iris, didto mismo sa MOA Arena niadtong 2016, kay dinhi sa Pilipinas gipahigayon ang Miss Universe pageant niadtong tuiga. Si Maxine Medina maoy pambato sa nasud nga nasulod sa Top 6.
Si Iris nipasa sa korona ngadto kang Demi pagka sunod tuig. Ug si Demi, maoy nikorona sa ikaupat nga Pinay Miss Universe nga si Catriona Gray niadtong 2018 didto sa Thailand. Busa, adunay koneksyon sila si Iris ug Demi sa Pilipinas ug sa mga Pinoy nga mahiligon kaayo og beauty pageant.
Samtang, walay apil si Catriona sa mga host sa pageant kagabii. Apan surprisa siya nga nilugwa sa Miss Universe Philippines dinner party niadtong Biyernes. Hinungdan nga na emosyonal ug nalipay kaayo si reigning Miss Universe Haarnaz Sandhu pagkakita niya kang Catriona, busa labihan niyang nakagakos niini.
Kahinumduman nga usa si Catriona sa mga nidepensa kang Haarnaz batok sa mga nisaway sa pagpanambok niini. Nasayran nga adunay celiac disease ang Indian beauty queen, busa dili siya mahimong mokaon og fiber foods sama sa wheat, barley ug rye.
Dili Makigtigi!
Giklaro ni AJ Raval nga walay isyu tali nila ni Christine Bermas. Gi-intriga o gisabong silang duha, human nibalibad si AJ sa Scorpio Nights 3, nga gisawo ni Christine. Ang intriga: hulga si Christine sa pagka rayna ni AJ sa Vivamax.
Apan matud ni AJ ngadto sa PEP Troika, atol sa presscon sa iyang latest movie nga Kaliwaan nga gisalida na sa VivaMax adtong Biyernes, okay sila ni Christine. Nagkahimamat na sila ug gaan ang iyang buot niini.
Litaniya niya, “Siguro po, time naman para mabigay sa iba yung ibang opportunity. Like yung Scorpio Nights, na-meet ko po kahapon si Christine Bermas sa grand launch ng Vivamax.
“Tuwang-tuwa ako sa kanya. Magaan ang loob ko sa kanya. Nagkuwentuhan kami.
“'Tapos ayun, natuwa naman ako, na-meet ko siya, magaan ang loob ko sa kanya. Wala namang anything na insecurity.
“Kung may mga baguhan naman, susuportahan ko lagi. Like si Angeli Khang, or si Jela Cuenca. Nakasuporta lang ako sa kanila.”
Gisabong sab si AJ ug Angeli sanglit ang nauwahi maoy adunay labing daghan og views sa unang weekend streaming pinaagi sa iyang pelikula nga Silip Sa Apoy.
Apan matud ni AJ, kun aduna man gani kumpetisyon, dili na siya mosalmot pa.
“Ano naman po, kung merong competition na nagaganap, hindi na po ako makikipaglaban. Ibibigay ko na po sa kanya.”
“Mahal ko po si Angeli. Pareho kaming nasa Taya. Talagang pinu-push ko siya nung panahon na yun.”
Peace & Quiet
Mopahuway una sa pag-arte si Andrew Garfield, kinsa naila pinaagi sa iyang pagbida sa The Amazing Spider-Man. Suma pa niya sa interview sa People magazine, importante alang niya nga magpakahilom ug mopahilayo sa kasikas. Kinahanglan matud pa niya nga mag-refill og kusog aron magpabilin ang iyang pagka siya ug mapuno siya sa inspirasyon. “But I have to kind of refill the well so that I can carry on authentically carry on without it feeling like I have to keep up with the Joneses in some way.”
Answered Prayers
Giangkon ni PBB Celebrity housemate Anji Salvacion nga mohawa na gyud unta siya sa showbiz ug mupauli na lang sa Siargao. Nahitabo kini duha ka tuig na ang nilabay gumikan sa pagtumaw sa pandemic ug sa pagkawagtang sa prangkisa sa ABS-CBN. Naguol matud pa siya, apan mapasalamaton siya sa Ginoo kay nahuwasan siya. Ug gimaymayan sab siya sa iyang inahan nga ang tanan molabay ra aron matuman ang gimbut-an sa Diyos. “Even if these challenges almost got me to stop but at the end of the day, I want to thank God nahimasmasan Niya ako. He gave me a sign that I should stay. Grabe talaga yung prayers.” Top two si Anji sa celebrity edition, ug kagabii, nahitabo ang iyang unang digital concert nga giulohan og The Feels: The Concert.
Getting better
“My heart is getting better every day." Mao kana ang deklarasyon ni Kylie Versoza, human sa panagbulag nila ni Jake Cuenca. Suma pa ni Kylie, sakit ang nahitabo apan naningkamot siya nga maalim na ang iyang samaran nga kasingkasing. "Ang dami kong natututunan sa sarili ko. I’m still trying to find ways to cope. Pero siyempre, masakit pa rin,” nagkanayon siya ngadto sa ABS-CBN. Gikumpirmar ni Jake, sa nilabay nga semana nga nagbulag na sila ni Kylie human sa tulo ka tuig nga relasyon, apan padayon gihapon siya nga musuporta niini, ug nanghinaot siya nga managhigala gihapon sila.