Kung meron mang isang namayapa na gustong makausap si Gardo Versoza, si Christine Dacera ‘yun.
At ang itatanong daw niya, sino ang nasa kabilang hotel room kung saan nga ito (Christine) natagpuang walang buhay.
Ito ang naging sagot ng actor kahapon sa media confirence para sa digital movie nilang Biyernes Santo na mag-uumpisang mapanood sa March 26 sa streaming platform na Vivamax.
Sinasabing isang anak ng diumano’y mataas na government official ang nasa katabing kuwarto ng namayapang flight attendant though wala ngang confirmation tungkol dito.
Eh ano naman ang nakakatakot na experience niya while filming Biyernes Santo?
“May narinig ako na tumutugtog ng piano, actually maganda naman yung tugtog, pwede mong pakinggan habang nagwa-wine until nabanggit na lang sa’kin na may nakakita doong tumutugtog na taong walang ulo! Sayang nga hindi ko siya na-meet,” ang cool na chika ng actor na aminadong nangongolekta nga ng high heels dahil sa TikTok.
Starring din sa Biyernes Santos sina Ella Cruz, Mark Anthony Fernandez, Andrea Del Rosario at ipapakilala sa pelikulang ito si Via Ortega, directed by Pedring Lopez.