Ngayong Lunes (Nobyembre 30), handog ng GMA Network ang biographical film na Supremo bilang paggunita sa ika-157 kaarawan ng kinikilalang Ama ng Himagsikang Filipino na si Andres Bonifacio.
Tampok sa Supremo ang buhay at naging mga sakripisyo ni Bonifacio na gagampanan ng aktor na si Alfred Vargas. Makakasama niya rito sina Mon Confiado, Hermie Concepcion, Nicco Manalo, Alex Vincent Medina, Nica Naval, at Manu Respall.
Sa paghahangad na makamit ang kalayaan ng bansa, itatatag at pamumunuan ni Bonifacio ang Kataastaasan, Kagalanggalangang Katipunan ng mga Anak ng Bayan (KKK). Laban sa napakalakas na puwersa ng mga dayuhan, masusubukan ang kanilang tapang at pagmamahal sa bayan.
Huwag palalampasin ang Supremo ngayong Bonifacio Day sa Kapuso Movie Festival, pagtapos ng Mars Pa More, sa GMA-7.