CEBU, Philippines — Nitunol sa ilang hinabang ang mga sikat nga Thai stars nga sila si Bright Vachirawit Chivaaree ug Win Metawin Opas-iamkajorn para sa mga biktima sa bagyo dinhi sa Pilipinas. Gipaagi nila kini sa Kabataan partylist ug sa Tagani Philippines, usa ka startup company nga nagtabang sa mga mag-uuma. Ang duruha nisikat og maayo dinhi sa Pilipinas pinaagi sa BL series nga 2gether.
Maningkamot alang sa 5th Crown
Gihangop og maayo si Miss Universe Rabiya Mateo sa iyang mga ka tagi syudad sa iyang homecoming parade didto sa Iloilo City niadtong Biyernes. Gipakpakan og maayo ang beauty gumikan kay bisan labihang inita, wala gyud kini nagpa payong. Rason niya, buot niya nga makita ang tanang nisugat niya. Atol sa homecoming dinner, gibalikan ni Mateo ang iyang kasinatian nga wala gyuy nagdahom nga modaog siya ilabi na nga dili siya ilado sa natad sa beauty pageant. Apan niya pa, gibuhat niya ang tanan ug gisalig sa Ginoo ang maong kompetisyon. Panganti niya nga makuha ang ikalima nga Miss Universe crown alang sa Pilipinas puhon.
Na-postpone nga international shows
Kutob na lamang sa panghinaot ug pag-ampo si Pilipinas Got Talent winner Marcelito Pomoy nga matapos na ang pandemya. Kini kay naglinya na unta iyang international shows human siya napiling 4th runner-up sa America's Got Talent sa nilabay nga tuig. Naglinya unta matud pa ang shows niya sa Australia, Canada, Dubai ug Amerika.
Gitubag ni K
Gitubag ni K Brosas ang usa ka basher nga nihingalan niya og "inutil" pinaagi sa Twitter. Nagsugod ning tanan human nikomentaryo ang singer/commediene sa duha ka mga undersecretary nga nagpahulagway sa dolomite didto sa Manila Bay human sa bagyo niadtong Miyerkules. Gumikan sa dili maayong komentaryo ni K, giataki siya sa mga supporters sa administrasyon. Usa ka basher niingon nga inutil ang mga artista. Tipik sa tubag ni K nagkanayon: “Mas madami pang nagawa mga artista kesa sa mga kakulto mo g*g*!!!”
Minzy, pasok sa Viva
Pasok na sa Philippine showbiz ang kanhi leader sa Korean girl group 2NE1 nga si Minzy. Adunay Pinoy version ang iyang awit nga “Lovely” diin siya mismo ang nagkanta ug ipadungog na kini dinhi sa nasud sa dili madugay. Ang Viva Artist Agency maoy modumala sa career ni Minzy dinhi sa nasud.
Nibiya sa Showtime
Nanamilit ang director sa It’s Showtime nga si Bobit Vidanes human sa 11 ka mga tuig. Suma pa, siya maoy himuong consultant sa TV5 show nga Lunch Out Loud diin sila si Billy Crawford, Alex Gonzaga ug K Brosas ang mga host. Apan gipaabot nga si Vidanes unya mismo maoy molingkod nga director niining show nga ginama sa Brightlight Productions.
Body-shaming
Nagdeactivate ang usa ka maestro nga ginganlan og Keith Richard Firme nga taga Mindoro. Kini human nagviral ang tipik sa iyang gimugna nga module diin gi-body shame niini ang aktres nga si Angel Locsin. Sa maong module, gihisgutan niini nga nagpunay lang og kaon ang aktres sa fastfood chain nga gi endorse niini kauban si Coco Martin. Unya sa balay matud pa nagpunay lang og tan-aw og tv. Obese matud pa ang aktres.