“Sometimes people overestimate my independence but I’ll always need a man like you by my side who can teach me things no one else would.” Tipik sa birthday greeting ni KC Concepcion sa iyang amahan nga si Gabby, kinsa nag-56th birthday niadtong Huwebes. Nagpasalamat si KC ngadto sa iyang amahan gumikan kay gihimo matud pa siya niining mapaubsanon ug mahigugmaon sa kalipukopan. Kanunay matud pa nga anaa si Gabby para niya.
Ritken series
Nagpost production na alang sa teleserye sa Ritken loveteam sa GMA7. Kini adunay ulohan nga “ Ang Dalawang Ikaw. Pero sa 2021 pa kini mulugwa sa telebisyon diin apil sab sila si Jake Vargas, Anna Vicente ug Jeremy Sabido suma pa sa HOLA FB page. Ang Ritken gilangkuban nila ni Rita Daniela ug Ken Chan nga unang gihangop sa My Special Tatay teleserye.
Dako’g chance
Suportado ni Venus Raj si Miss Universe Rabiya Mateo nga susama niyang half-Indian. Matud ni Venus ngadto kang G3 San Diego, maayo gyud ang performance ni Rabiya sa preliminaries ug coronation night maong angayan gyud siya sa iyang kadaugan. Gani, alang kang Venus, kinsa maoy nagsugod sa winning streak sa Pilipinas sa Miss Universe pageant adtong 2010, dako og posibilidad nga malangkat ni Rabiya sa MU crown puhon.