Isa ang Unang Hirit sa iilang TV programs na napapanood sa kabila ng enhanced community quarantine noon. At kahit general community quarantine na ngayon sa Metro Manila, limitado pa rin ang hosts na nasa UH studio—madalas ay sina Arnold Clavio at Connie Sison. Habang ang ibang hosts tulad nina Suzi Entrata-Abrera, Lhar Santiago, Lyn Ching, Love Añover-Llanko, Susan Enriquez, Ivan Mayrina, Mariz Umali, at si Mang Tani Cruz ay work from home ang set up.
Si Luane Dy naman ay naka-maternity leave at ini-enjoy muna ang pagiging first-time mom.
Dahil dito, hinahanap na sila ng viewers na mapanood na magkakasama ang UH barkada. Bukod sa maiinit na balita, weather at traffic updates, inaabangan din ang huntahan ng hosts in between segments. Kasama na nga rin dito ang mga larong hindi inaatrasan ng buong UH barkada. For now, virtual chikahan at bonding na nga lang muna sila on TV. Napapanood na ang Unang Hirit simula 5:30 am.