Anne, mabdos!
CEBU, Philippines — Gikatahong nagsabak karon ang aktres nga si Anne Curtis ug niulbo ang maong balita human kini ni-post og video sa Instagram ug gipakita ang iyang baby bump.
Nasayran nga duha ka tuig na nga minyo sila si Anne ug Erwan Heussaff.
Sa maong IG video nga gi-upload sa aktres kagahapon, gipakita ang pagpanuroy sa magtiayon didto sa Seoul, South Korea.
Aduna kini caption nga “I think you should know something... . Another reason to love November.. @erwan. . . Music: Nothing’s Gonna Hurt You Baby by @cigsaftersex".
Gire-upload ni Erwan ang maong video nga nagtangag sa caption nga “5/9”.
Nagduda ang followers ni Erwan nga ang post niya nagpasabot nga lima ka buwan na nga nagsabak si Anne.
Sikat sa laing lugar
Sikat sa laing nasud ang kanta ni Iñigo Pascual nga Catching Feeling gumikan kay makasayaw matud pa ang makadungog niini. Dakong garbo alang sa anak ni Piolo Pascual nga mataypan sa kadaghanan ang iyang kantra. Gi-career og maayo ni Iñigo ang iyang pagka-singer ug dili kini intresado modawat og acting project.
Kumpirmadong dunay prequel
Malipayong gipahibalo sa TBA Studios nga duna’y prequel ang 2017 film nila ni Paulo Avelino ug Maja Salvador nga I ’m Drunk , I Love You.
Pagahimoon ang maong proyekto karong 2020. Ang president sa TBA Studios nga si Vincent Nebrida maoy nipahibalo niini.
- Latest