CEBU, Philippines – Banat news Hugyaw (BNH): Unsay kapuslanan sa beauty pageant ngadto sa mga kababayn-an sama nimu ?
Juma: Ang kapuslanan sa beauty pageant ngadto sa mga kababayn an sama nako mao nga aron mahimong simbolo kun unsay kaya buhaton sa usa ka babaye ilabi na sa pagpakita sa iyang kayang buhaton sa atubangan sa daghang mga tao ug mahimong ehemplo nga pinaagi aning beauty pageant makakuha ta’g confidence, communication skills , socialization nga dili na kita mauwaw sa bisan asa man kita makaadto .
BNH: Kun duna kay Foreigner nga gusto musuroy sa imong lungsod, asa nimu sya dad-on og nganu man?
Juma: Og naa koy foreigner nga gusto musuroy sa among lungsod, dad-on nako siya sa nagkadaiyang maanindot nga suruyanan sa among lugar ilabi na sa Lake Danao, Beaches in Santiago, Tulang Diot sa Esperanza, Mangodlong, Cave in Bokilat , Timubo , Amazing Cave, Paraiso Falls in Busay ug uban pa para iya masaksihan kun unsa kaanindot ang Lungsod sa San Francisco bisan tuod kini usa ka isla pero naay daghang nagkadaiyang nindot nga gasa sa Kahitas an .
BNH: Nganong ikaw ang angayang makadaog isip Miss San Francisco ?
Juma: Para nako kun kinsa man gani kanamo ang makadaog isip Miss San Francisco siya naay dakong abilidad nga mahimong usa ka reyna . Ug para nako ako man gani ang makadaog isip Miss San Francisco, seguro naa koy potential o kakayahan nga gipakita nila nga dapat gyud ako ang mahimong reyna or makurunahan isip Miss San Francisco 2019.