Hindi itinatago ni Angelica Panganiban ang inis kay Carlo Aquino na ang akala talaga ng lahat ay magiging sila uli.
Pero naudlot nga ang lahat hanggang may lumutang na babae na diumano ay nililigawan ni Carlo o dyowa na ba na hindi niya (Carlo) kinumpirma.
Nagpakatotoo rin si Angelica na hindi na rin niya kayang makatrabaho si Carlo na inaakusahan ngayong ginamit lang siya para buhayin ang career. “Hindi na muna siguro. Panahon ang makakapagsabi. Kung buhay pa siguro ako nun,” pahayag ni Angelica sa farewell presscon ng pinagsamahan nilang teleserye sa ABS-CBN na Playhouse na mapapanood hanggang next week na lang.
Bago ito ay naging box-office hit ang pelikula nina Angelica at Carlo na Exess Baggage kaya pagkatapos nun ay sinama ang actor sa Playhouse na originally ay pinagbibidahan nila ni Zanjoe Marudo.
Umingay ang naudlot na balikan nila dahil nga sa mga post ni Angelica sa social media na sweet-sweetan sila ng actor as if sila na uli.
Pero nadismaya ang lahat nang mag-umpisa na si Angelica na mag-emote sa social media rin na turuan siyang maka-move on sa ex hanggang kumalat na nga ang photo ng sinasabing real GF ng actor.
Actually, marami silang napaniwala na sila na nga. Nagkaroon pa nga sila ng endorsement together.
Pero mali pala at siya pa ang lumalabas na sinisisi sa nangyari dahil nga umasa raw ang actress.
Ayon kay Angelica, matagal na silang walang communication ng actor.