MANILA, Philippines — Matapos ang pamamayagpag ng Kambal, Karibal, muling magsasama sa primetime ang favourite Kapuso loveteam nina Bianca Umali at Miguel Tanfelix sa Sahaya. Para kay Bianca, dream come true ang kanyang bagong karakter sa seryeng ito, “Noon pa man po, naging pangarap ko po talaga na maging isang mermaid pero never in my wildest dreams na dadating po sa akin si Sahaya na isang Badjao at anak-dagat.”
Kaya naman ngayon pa lang, todo na ang kanyang paghahanda para sa itinuturing niyang isa sa pinaka-challenging roles na ipinagkatiwala sa kanya ng GMA.
Nagsasanay ang Kapuso actress sa paglangoy at pagsisid. Pinag-aaralan din niya ang kultura at wika ng mga Badjao. Si Migo Adecer naman ang kukumpleto sa love triangle ng BiGuel. Makakasama rin sa serye sina Zoren Legaspi, Pen Medina, Ashley Ortega, Ana Roces, and Jasmine Curtis Smith.