Alden sinisisi sa relasyong Arjo-Maine
Aware ang Victor Magtanggol star na si Alden Richards na siya ang sinisisi ng AlDub fans kung bakit hindi natuloy sa totoong relasyon ang phenomenal team-up nila ni Maine Mendoza dahil nali-link na sa Kapamilya actor na si Arjo Atayde ang ka-loveteam nito.
Klinaro ni Alden na hindi pa umano buwag ang loveteam nila ni Maine at okey ang samahan nila bilang magkaibigan ng kanyang perennial screen partner at kasamahan sa Eat Bulaga kung saan nabuo ang kanilang tambalan.
Although walang ibang babae na nali-link ngayon kay Alden, masaya umano ang binata para kay Maine kung nali-link man ito sa iba. Tiyak naman daw na susuportahan din ni Maine kung may iba mang babae na bagong mali-link kay Alden.
Bago si Arjo ay na-link din noon si Maine sa dalawang Kapuso actors na sina Sef Cadayona at Juancho Trivinio pero walang kumpirmasyon kung nagkaroon nga ng relasyon si Maine sa dalawang actor liban sa pagiging kaibigan.
Samantala, magtatapos na sa darating na Biyernes, ang Victor Magtanggol fantasy-action series ni Alden at ito’y papalitan ng action TV series na Cain at Abel na pinagbibidahan naman nina Dingdong Dantes at Dennis Trillo at magsisimulang mapanood sa ere sa darating na November 17.
Rafa Siguion-Reyna bagong pumirma sa Viva!
Kahapon ay lumagda si Rafa Siguion-Reyna ng management contract with Viva Artist Agency (VAA). Isa na si Rafa sa listahan ng maraming stars and talents na nasa pangangalaga ng VAA na pinamumunuan ni Veronique del Rosario-Corpus. Kabilang na bale si Rafa sa stable of stars and talents ng VAA tulad ng Pop Princess na si Sarah Geronimo, Anne Curtis, Cristine Reyes, Xian Lim, Billy Crawford, Mark Bautista, Kylie Versoza, Alonzo Muhlach at marami pang iba.
Ang VAA ay isa sa mga kumpanya na bahagi ng Viva Communications Group headed by it’s chairman and CEO na si Boss Vic del Rosario.
Si Rafa ay panganay sa dalawang anak ng mag-asawa na sina Direk Carlitos Siguion-Reyna at ang writer-director-actress na Bibeth Orteza.
- Latest
