CEBU, Philippines – Mainitong gisugat sa mga staff ug pipila ka opisyales sa ABS-CBN si Regine Valasquez kagahapon atol sa pagtikang niya sa maong network.
Emosyonal si Regine samtang nirampa sa red carpet nga giandam sa ABS-CBN alang kaniya.
Giubanan si Regine sa iyang bana nga singer nga si Ogie Alcasid.
Malipayong gipahibalosa singer nga kumpirmado na gyud ang pagbalhin niya sa ABS-CBN.
Gipa-trending usab sa iyang fans kagahapon ang hashtags nga, #RVAonABSCBN, #TheSongbirdisNowAKapamilya, and #NaritoNaSiRegineSaABSCBN.
Kahinumdoman nga nikisaw ang pangalan ni Regine niadtong ‘80s sa dihang nisalmot siya sa “Ang Bagong Kampeon” ug sa Asia Pacific Song Contest.
Duha ka dekada nga naglawig ang iyang career sa GMA-7 ug nakahukom kini karong tuiga nga mobalhin na og laing network.