CEBU, Philippines – Andam na ang magtiayong Ice Seguerra ug Liza Diño nga makabaton og anak.
Sa interview sa entertainment website nga Pep, gibutyag ni Liza nga dayunon ang plano nila ni Ice nga mopaubos og vitro fertilization.
Matud pa nga nagsugod na si Ice sa pagpangunsulta og doktor alang sa maong plano.
“Magha-harvest na siya. At least we’re making small steps. Iba ‘yung completely na-push back namin, at ngayon, kahit papano may nangyayari na. May nagsimula na,” suma pa ni Liza.
Sugdan matud pa ang maong procedure karong November.
Dingdong ug Richard mahimong komedyante
Tsika pa ni Vice Ganda nga lahi nga putahi sa pag-arte ang ipakita nila ni Dingdong Dantes ug Richard Guttierez alang sa umaabot nila nga pelikula.
Magkauban sila si Vice, Dingdong ug Richard sa Metro Manila Film Festival movie nga Fantastica.
Matud pa ni Vice nga ipakita sa duha ka mga aktor ang abilidad nila sa pagpakatawa.
Naandan na nga seryoso ang mga role nila ni Richard ug Dingdong sa nangagi nila nga mga proyekto. (Sanden J. Anadia)
Maine molugwa
sa Probinsyano?
Niulbo ang tsika nga andam molugwa si Maine Mendoza isip guest sa serye ni Coco Martin sa ABS-CBN nga Ang Probinsyano.
Hinuon mag-agad ra si Maine sa iyang management. Nasayran nga ang TAPE Inc. maoy nagdumala sa career sa TV host-actress.
Nalakip si Maine sa umaabot nga pelikula ni Coco alang sa Metro Manila Film Festival 2018 diin makauban pud nila si Vic Sotto.