Robin sinukuan na ang US visa!, Barcelona nagpahabol ng victory party!

SEEN: Ang better late than never victory party ng Star Cinema para sa cast ng Barcelona: A Love Untold noong Huwebes. Nagdiwang ang stars at production staff ng Barcelona dahil sa box-office gross nito na P321 million.

SCENE: Pinanood ni Eugene Domingo ang Working Beks sa sinehan bilang suporta niya sa kanyang mga kaibigan, si John Lapus at ang Working Beks director na si Chris Martinez.

SEEN: Si Marlon Rivera ang direktor ng Ang Babae sa Septic Tank 2: Forever Is Not Enough. Kung nakalusot sa Metro Manila Film Festival (MMFF) 2016 ang Enteng Kabisote 10 and The Abangers, dalawa ang filmfest entry ni Marlon dahil co-director siya ni Tony Reyes sa pelikula ni Vic Sotto.

SCENE: Maghaharap bukas sa All Star Basketball Game: Kapamilya Playoffs sa Mall of Asia Arena, 3 p.m., ang mga basketball team nina Daniel Padilla at Gerald Anderson.

SEEN: Tanggap na ni Robin Padilla na hindi siya mabibigyan ng visa ng US Embassy kaya hindi na niya masusundan sa Amerika si Mariel Rodriguez at ang kanilang bagong silang na anak.

SCENE: Due to insistent public demand, magbabalik sa Music Museum sa January 21, 2017 ang blockbuster musical play na Dirty Old Musical pero si Carlo Orosa ang bagong cast member dahil hindi available si Michael Williams.

SEEN: Ang alleged secret relationship kay Coco Martin ang itinuturo na dahilan kaya umalis si Julia Montes sa bakuran ng Star Magic, ang talent management agency ng ABS-CBN na matagal na namahala sa showbiz career niya.

SCENE: May “and” ang billing ng pangalan ni Pauleen Luna-Sotto sa posters at publicity materials ng Enteng Kabisote 10 and The Abangers. Special guest lamang si Pauleen sa pelikula ng kanyang asawa na si Vic Sotto.

SEEN: Walang plano si Vic Sotto na ipagdiwang ang Pasko sa ibang bansa dahil gusto niya na kasama ang kanyang asawa, mga kapatid, anak at apo.