Iza parang contestant sa beauty pageant nang rumampa sa Hanoi Filmfest
Para lang representative sa beauty contest si Iza Calzado nang rumampa sa red carpet sa opening ng Hanoi International Film Festival 2016. Suot ang Filipinia gown na gawa ni Rajo Laurel, ang ganda ni Iza na naglakad kasabay ng Jury Chairman na si Mr. Regis Wargnier.
Hindi kami sure kung Pinoys ang nagpalakpakan habang naglalakad sa red carpet si Iza, pero ‘yung nagpa-selfie ay siguradong Vietnamese dahil staff ng HIFF.
Sabi ni Iza, “Representing the Philippines! So happy, proud and honored to be part of the jury for the full length film competition of Hanoi International Film Festival 2016! Thank you, God, for allowing me to represent my country on the global stage. Mabuhay!”
Isa sa Pinoy film na kasali sa full-length film competition ang Pamilya Ordinaryo nina Ronwaldo Martin at Hasmine Kilip. Kasama ring jury ni Iza ang kapwa Pinoy na si Ed Lejano.
Sunshine mas bida sa hapon kaya pumayag ‘patayin’
Pinatay na ang karakter ni Sunshine Dizon na si Adhara sa Encantadia dahil sa bagong teleserye na gagawin nila nina Gabby Concepcion.
Mas bida si Sunshine sa afternoon soap.
On the other hand, hindi mapapalagpas ni Sunshine ang chance na makatrabaho si Gabby Concepcion at si director Laurice Guillen. Sa December na raw ang airing ng teleserye nila nina Gabby.
Benjamin at Julie Anne babe na ang tawagan!
Nag-level up na ang relasyon nina Benjamin Alves at Julie Anne San Jose dahil hindi na lang “Boo” ang tawagan nila sa isa’t isa. Hindi na rin My Girl kung tukuyin ng aktor ang GF. “Babe” na ang terms of endearment ng dalawa.
Nasa Cebu ng ilang araw si Benjamin dahil nag-shoot ng movie, kaya na-miss nila ni Julie Anne ang isa’t isa. Mabuti at may social media. Sa tweet ni Benjamin na “Babe, I’m coming home” ang sagot ni Julie Anne ay “Get home safe boo.”
May tweet din si Benjamin na “When you’re full but she brings you food, so you pound in the pizza cause you appreciate her” at “When you cook your girl spam but it’s burnt, and she still eats it cause she appreciate you.”
Marami pa sanang masasaksihang sweet moments ang newest showbiz couple sa taping ng Pinulot Ka Lang sa Lupa, kaya lang, stop taping yata muna sila dahil next year na ang airing ng teleserye. Ito’y dahil extended ang Sa Piling ni Nanay.
Samantala, sa November 11 na, sa Kia Theater ang concert nina Julie Anne at Christian Bautista billed When Julie Anne meets Christian sa direction ni Marvin Caldito at musical director nito si Marc Lopez. Ang Dreamstar Events Management at GMA Network ang producer ng concert.
Sa presscon, pinag-react si Christian ng press sa billing ng pangalan nila ni Julie Anne sa poster. Nauna kasi ang name ng singer-actress kesa sa pangalan niya, pero kung in-expect ng press people na magtataray si Christian, hindi nangyari ‘yun.
“No issue sa akin ang billing. After 14 years, ngayon pa ba ako magre-react?” sagot ni Christian. Nabanggit din nito na hindi ang concert nila sa Nov. 11 ang first time na magsasama sila ni Julie Anne dahil nag-guest na siya sa concert sa MOA ng singer-actress.
Sen. Loren ayaw ng co-host na celebrity
Mamayang 6 p.m. na sa ANC mapapanood ang Dangyaw, ang documentary series on Philippine indigenous peoples and culture conceptualized and narrated by Sen. Loren Legarda. Collaboration ito ng National Commission for Culture and the Arts (NCAA) and the ABS-CBN News Channel (ANC).
Malaki ang pangarap ni Sen. Loren sa Dangyaw na sana umere ito sa primetime slot ng ABS-CBN at maging continuing documentary series. Ang season two ay six-part series lang. Ang dami pa raw puwedeng i-tackle ang nasabing series. Pero masaya na ito na starting next year ay one hour ang airing time ng Dangyaw.
Hindi pinaboran ni Sen. Loren ang suhestiyon na magsama siya ng celebrity bilang co-host ng Dangyaw dahil may “too much celebrity culture” na ang bansa natin. Saka, sa celebrity host mapu-focus ang attention ng viewers at hindi sa series.
- Latest
