Muli namang patutunayan ng mga tagahanga ng JaDine nina James Reid at Nadine Lustre ang kanilang strength sa box-office sa MMFF movie na Beauty and the Beastie at pinagbibidahan nina Vice Ganda at Coco Martin kung saan tampok ang tambalang JaDine kasama ang bagong child wonder na si Alonzo Muhlach.
Ito naman ay mula sa pamamahala ng consistent box-office director na si Wenn Deramas.
Kumpirmado nang magsasalpukan ang JaDine loveteam against AlDub na kasama naman nila sa darating na MMFF na pinagbibidahan nina Vic Sotto and AiAi delas Alas.
Sino kaya ang mananalo sa box-office?
Ito ang aabangan natin sa Pasko.
Baguhang singer na si Michelle Talley tuloy ang paghahasa ng tagalog
Umaasa ang Fil-Am singer-actress-host na si Michelle Talley na mabibigyan din siya ng chance na makilala sa Pilipinas.
Ang kanyang isang buwang bakasyon sa Pilipinas ay mukhang mai-extend nang mahabang panahon dahil may magagandang opportunities na dumarating sa kanya.
“I didn’t expect that I would love it here,” pag-amin ni Michelle na ang inang nurse ay tubong Biliran, Leyte habang ang kanyang ama ay isang American engineer.
Kasulukuyang hinahasa ni Michelle ang pagsasalita ng Tagalog at mag-undergo rin siya ng iba’t ibang workshops in singing, acting and dancing tulad ng kanyang ginawa sa Amerika to get ready for the battle sa local showbiz.
Gloc-9 may pa-birthday sa fans
Sa darating na October 10, 17, 24, & 31 (all Saturdays of October) ang first major concert series ng sikat na rap artist na si Gloc-9 Gaganapin ito sa Music Museum na may pamagat na Ang Kwento ng Makata: Gloc-9 Live.
Ayon kay Gloc-9 na ang tunay na pangalan ay Aristotle Pollisco, para umano siyang isang makata na nagkukuwento kapag siya’y nagra-rap.
Ang Gloc-9 ay isang uri ng pistol dahil mahilig sa baril at target shooting ang kilalang rapper.
Ang series of concerts ni Gloc-9 sa Music Museum ay magsisilbing birthday treat niya sa kanyang mga tagahanga dahil magsi-celebrate siya ng kanyang ika-38th birthday on October 18. Ito rin bale ang kauna-unahang series of shows na kanyang gagawin in his 18 years in the entertainment business.
Aris ang palayaw ni Gloc-9 na meron nang asawa na si Thea at may 11-year-old twins na sina Danielle Shaun at Sean Daniel.