Kasuwerte naman ni Tom Rodriguez. Ni hindi siya ina-acknowledge na ka-on o ka-MU (mutual understanding) ni Carla Abellana yet, walang kumukuwestiyon sa relasyon nila. Basta tanggap ng lahat ang relasyon ng dalawa, that they are a couple.
Sabi nga ni Carla, walang nakakapagpasaya sa kanya at nakakapagpatawa tulad ng ginagawa ni Tom. “Super patawa siya and very talented,” pag-amin ng Kapuso actress na obviously ay ayaw magkaroon ng karelasyon hangga’t hindi pa siya buong-buo.
Miguel umaasam na magiging piloto
Maraming kaedad ni Miguel Tanfelix, artista man o hindi ang makakakuha ng inspirasyon sa binata sa pagtatapos nito sa high school. Bukod kasi sa isa sa pinakasikat at pinakaabalang Kapuso young star ay may dalawa siyang popular TV show, ang Ismol Family at Once Upon a Kiss.
Ilang taon na lang at kapirasong steps ay makakatapos din siya ng kolehiyo na siya talagang pinakapinapangarap niya. At kung magtutuluy-tuloy ang tagumpay niya, baka bukas ay hindi lamang siya isang kinikilalang actor kundi isa pa rin siyang matagumpay na piloto.
Bago pa siya nag-artista ay ang pagpipiloto ang pinakaaasam-asam niyang bagay. Malaking pasalamat niya sa GMA dahil suportado nila ang pag-aaral niya.