MANILA, Philippines – Aminado si Kathryn Bernardo na mayroong “awkwardness” sa kanila ni Nadine Lustre.
Sinabi ni Kathryn na dahil ito sa kanilang mga fans sa social media na pilit silang pinagbabangga.
“Siguro mayro'n kaming awkwardness ngayon dalawa kasi of course the social media, the Twitter, the Instagram, parang nauunahan ng lahat ng tao bago pa kami mag-meet, 'di ba?” wika ni Kathryn sa “The Buzz” kahapon.
Itinuturing na magkaribal ang tambalang KathNiel na para sa Kathryn at Daniel Padilla at ang love team nina James Reid at Nadine na binansagang JaDine.
Hindi pa pormal na nakakapag-usap o napakikilala sa isa't isa sina Kathryn at Nadine.
Nagkita ang dalawa sa backstage ng ASAP ngunit hindi nakapag-usap dahil sa pagiging busy sa show.
“Open ako sa idea, gusto ko mag-meet kami, makausap ko siya para maalis 'yong awkwardness,” ani Kathryn.