CEBU, Philippines - Human sa kalampusan sa tandem nila ni Marian Rivera ug Alden Richards sa serye niadto sa GMA-7 nga Carmela, giingong subling magpares ang duha sunod tuig sa Pinoy version sa Korean drama series nga “My Love from the Star.”
Giingong nahuna-hunaan sa GMA-7 nga himuan og Pinoy version ang maong serye gumikan kay kusog kaayo ang ratings niini sa dihang gipasalida kini karong tuiga dinhi sa nasud.
Gawas sa Pilipinas, sikat usab kaayo ang “My Love from the Star” sa China, Malaysia ug Vietnam.