Matapos lumantad this year ang kauna-unahang apo nina Eddie Gutierrez at Annabelle Rama kay Richard Gutierrez sa kasintahan nitong si Sarah Lahbati, nadagdagan na naman ang mga apo nina Eddie at Annabelle, si Baby Aria, ang first baby nina Elvis at Alexandra o Alexa Uichico.
Lima nang lahat ang apo nina Eddie at Annabelle – dalawa kay Ruffa, isa kay Rocky, isa kay Richard at isa kay Elvis. Pero may mga apo na rin si Eddie sa iba niyang mga anak kina Pilita Corrales at Liza Lorena na sina Ramon Christopher sa ex-wife nitong si Lotlot de Leon at Tonton Gutierrez sa asawa nitong si Glydel Mercado.
Samantala, wala pa sa immediate plans nina Richard at Sarah ang pagpapakasal kahit may baby Zion na ang dalawa. Mas gusto muna nilang i-enjoy ang kanilang relasyon kasama and more than one-year-old na si Zion.
Megan Young sobrang sipag daw sa charity works sa ibang bansa
Ibinalita sa amin ng Managing Director ng Miss World Philippines na si Cory Quirino na darating sa bansa ang reigning and outgoing 2013 Miss World na si Megan Young to crown the 2014 Miss World Philippines na siyang magiging kinatawan ng Pilipinas sa 2014 Miss World international beauty pageant.
Speaking of Miss World Megan Young, tuwang-tuwa umano ang pamunuan ng Miss World sa nakatatandang kapatid ni Lauren Young dahil sa pagiging masipag nito sa mga charity works ng Miss World sa iba’t ibang bansa.