Kita mo nga naman at iba ang ginagawang bonding nina Sarah Geronimo at Matteo Guidicelli. Sa halip na mamasyal, manood ng sine, o kumain sa labas, archery ang pinagkakaabalahan ng dalawa. Para silang apo ko na pumapana na paraang naglalaro lang. Kaka-enjoy silang pagmasdan. Kung sabagay, mas mabuting sports ang pagbalingan nila ng atensyon. Magiging healthy pa sila. ‘Di bale si Matteo, talagang maraming sports, pero si Sarah, wala. Buti na lang nahihilig siya sa archery. Malay n’yo baka gumaling siya nang husto.
Indulto na naman…
Wala, inabot na naman tayo ng indulto. Ano nga ba ang pangalan ng bagyong lumapastangan na naman sa atin? Aba, eh para siyang Ondoy, walang tigil sa paghagupit. Buti na lang wala siyang dalang malakas na hangin kundi nalagot na naman tayo!
Kayo naman, hinihintay n’yo pang malagay kayo sa panganib bago n’yo lisanin ang mga bahay n’yo. Naiintindihan ko na takot kayo na baka malusutan kayo ng mga magnakaw pero mas mahalaga ba ang gamit kaysa buhay? Bago pa dumating ang panganib, dapat nasa safety na kayo.
Huwag na kayong maghintay hanggang sa huling sandali.
Nakakatakot habang pinanonood ko ang coverage ng GMA ng bagyo kahapon. Hindi maabot ng isip ko kung paano na naman makakaahon ‘yung mga nasalanta. Eh ‘yung mga biktima ng bagyong Yolanda ay hindi pa natutulungang lahat. Bigla nagdasal ako na kung pwede spare na naman tayo ni God. Sa mga ganung pagkakataon. Siya, lamang naman ang makakatulong sa atin, ‘di ba?