PIK : Narinig na namin noon ang balitang nauna nang nagpalit ng apelyido ang ibang kapatid ni Julia Barretto kaya tinanong namin si Dennis Padilla kung na-check ba niya kung dala pa rin ng iba niyang anak kay Marjorie Barretto ang apelyido nito.
Sagot ng komedyante: “I believe ginagamit pa rin ni Leon sa Ateneo ang Baldivia, and Claudia I believe na Baldivia pa rin ang ginagamit niya sa Everest International School.
“Sa ngayon hawak ko ang NSO copy ng birth certificate ng tatlong bata, Julia, Claudia and Leon. Lahat naman ‘yun pa rin ang pangalan nila, walang changes.”
PAK : Ewan ko kung itutuloy ng sikat na drama actress ang paglipat ng TV network.
Malapit nang matapos ang kontrata niya, at pinag-iisipan nitong subukang lumipat kung wala pang plano ang TV network nito ‘pag natapos na ang sikat niyang programa.
Wala pa naman daw siyang final na decision, depende sa alok ng isang TV network na posibleng lilipatan niya.
Kung matutuloy ito, malaking pagbabago ito sa career ni sikat na aktres.
BOOM : Baka matuloy na rin ngayong araw ang story conference ng bagong drama series na pagtatambalan nina Raymart Santiago at Jennylyn Mercado.
Balak na rin kasi ni Raymart na magsalita para maipaliwanag itong kumalat na litrato ni Claudine Barretto na may mga pasa sa mukha.
Napag-alamang kalilipat lang ni Claudine sa GMA 7 nun at doon siya dumaan sa surgical operation ng mukha na ang duda namin nagpa-lipo ito.
Ang suot ni Claudine sa litratong may mga pasa sa mukha at tinakpan ng make-up ay pareho sa guesting niya sa Showbiz Central na kung saan binigyan siya ng grand welcome sa GMA 7.
Halatang maliit ang mukha niya roon at kapareho nung kuhang ipinost ni Atty. Ferdie Topacio sa kanyang Twitter account.
Sinubukan naming interbyuhin si Claudine kahapon, pero may flu raw ito sabi ni Atty. Topacio.