CEBU, Philippines - Gipaneguro ni Richard Guttierez nga ipasusi gyud niya ang legal nga pamaagi aron lang gyud magamit sa iyang anak nga si Zion ang iyang apelyido ug mahimong hingpit nga sakop sa Guttierez clan.
Kini maoy reaksyon ni Richard sa dihang nilenggua ang amahan sa iyang girlfriend nga si Sarah Lahbati nga dili pa pormal nga "Guttierez" si Zion gumikan kay wala nakasal ang manag-uyab.
Matud pa sa aktor nga temporary lang kini sangglit kinahanglan niya nga sundon ang balaod sa Switzerland kung diin natawo ang iyang anak.
Suma pa nga samtang wala pa nakasal ang ginikanan sa usa ka bata, ang apelyido sa inahan ang gamiton niini.