Summer

Maayong Domingo mga suki nako diri sa Anah Lang! Panahon na gyud sa ting uwan ug humana gayud ang summer. Bisan ug ania ko karon nga adlawa diri sa Boracay para sa Kapuso Summer Weekend, amo gyud gi-enjoy ang kainit sa adlaw kay magsugod na ang gitawag nato nga rainy season. Kung ikaw usa ka fashionista, ang ting ulan ang lisod i-porma kay daghan dapat i-consider. Mao na karong adlawa, manghatag ako og tips sa mga angay dad-on ug sul-obon karong panahon sa ting ulan.

1. Siguroa nga uga ka niining panahona mao nga importante nga waterproof ang imong isul-ob gawas sa imong sanina. Pwede ka mag sul-ob og raincoat, trench coat, rain boots ug magdala og payong.

2. Dili tungod kay ting-uwan ug wala nay adlaw, dili na ka pwede mag- colorful. Dugangi og colors imong sanina, ayaw ka hadlok og sul-ob og mga hayag nga sanina. Medyo makaguol ang ulan mao na mas maayo kung modugang ka’g color para dili kaayo makaguol.

3. Kung mag trench coat ka or jacket, pangita og kanang makapakita gihapon sa porma sa imong lawas.Dapat nindot kini og sukod ug makapakita gihapon sa korte sa imong lawas,

4. Likayi ang mga materials nga suede ug uban pa nga dili maayo bas-on, ilabi na sa mga bags ug sapatos. Ang leather nga dili pwede sa basa, dili pod maayo. Pili og mga material nga pwede mabasa.

5. Ang imong payong dapat imong trataron nga usa ka accessory. Mao nga  pili og nindot nga prints o ba kaha classic nga color pareho sa itom, dark brown o red.

6. Dili maayo nga mag-hairstyle ka og bongga kung ting ulan kay mura kag basa nga piso kung ikaw mauwanan. Mas maayo kung imo kining talion, o hiposon. Pwede ka magsinapid para nindot kini tan-awon. Gamit og gel o hairspray para hapsay kini tan-awon.

7. Kung mag make-up ka, gamit og waterproof mascara, eyeliner ug eyeshadow. Naa nay daghan make up karon nga waterproof. Tarunga kini og apply para limpyo ug hapsay imong dagway.

8. Mas maayo dili ka mag-alahas kung ting-ulan para di kini madaot ilabi na kung hilig ka magrelo. Ang earrings, mas maayo kung simple lang pareho sa studs. Likayi ang mga dangling ug uban pa nga dagko nga burloloy.

9. Sul-ob og mga nipis ug gaan nga materyal sa imong sanina. Pwede ka mag-cotton, cashmere, tights ug uban pa. Para inig sapaw nimo sa imong raincoat o trench coat, dili ka dako tan-awon.

10. Dapat sakto imong footwear kung ting ulan. Ayaw basaa ang leather kay madaot na.Likayi ang tsinelas kung di ka ganahan mag lapok imong tiil ug mabasa. Likayi ang sapatos nga naay heels kay dangog kaayo ug basin ma disgrasya pa ka. Pwede kang mag- sneakers, rubber shoes o ba kaha boots.

 

Pintal Sa Nawong Sa Ting-Uwan

 

Usa labing sikat nga make-up artists sa Sugbo. Ang mga residente sa local fashion industry nagpanawag niya. Ang mga sakop sa taas nga hut-ong sa katilingban buot magpapintal sa ilang mga dagway niya. Mga iladong personalidad dili lamang dinhi sa Sugbo kun dili bisan asa nga dapit sa Pilipinas maglumba pagkuha sa iyang serbisyo. Nataak na niya ang pipila ka dapit sa Asya alang sa nagkadaiyang photo shoots, diin siya maoy paborito nga make-up artist. Siya si Wenwen Zaspa,“The Make-Up Expert.

Tuig 1997 dihang nahimo siyang over-all champion sa Bridal and Commercial Make-up nga gipasiugdahan sa FILHAIR. Didto hingpit nga nahimugso ang bituon ni Wenwen sa natad sa make-up. Sukad niadto wala nay hunong ang iyang pagsulbong.

Taliwala sa labihan ka busy niya nga schedule, namarayeg ang Banat In og mga make-up tips gikan niya karon nga umaabot na ang ting-uwan. Ug sa walay pagduha-duha wala niya ihikaw ang iyang kahibalo. Busa ania ra:

 1. Kinahanglang water proof tanang make-up, ilabi na ang mascara.

 2. Natural, dramatic o bridal make-up man, kinahanglang mag-blend tanan ilabi na nga ting-uwan adunay posibilidad nga ma-wash off kini ug magbilin og stained lines sa imong nawong. Maglap-ak  lap-ak kung dili ma-blend og tarong.

 3. Foundation—Use small amount of cream foundation same shade sa imong skin, then apply translucent loose powder with a brush and blend, blend, blend…

 4. Eye make-up—Gamit og kohl eye liner isip base— apply up and down. Dayon patungi og powder eyeshadow aron mas limpyo tan-awon. Gamit og natural earth colors nga eyeshadow. Gamit pud og usa ngadto sa duha ka coat nga waterproof mascara.

 5. Blush—Gamit og mousse or cream blush, pilia ang peach o bronze nga color.

 6. Lipstick—Kinahanglan nga dili hayag. Gamit og lipliner isip base. Naa ra nimo unsay shade sa imong lipstick, depende kung unsay kumportabli para nimo.

 7. Hinumdumi nga ang make-up gitumong aron pagpanindot sa imong natural features ug dili aron tabunan kini.

 

Pagkaon alang sa himsog nga kasingkasing

 

Apple- Nagbaha ang phytochemicals sa apple ug usa kini sa makatabang sa paglikay sa pagbagtok sa dugo. Abunda kini sa mga bitamina busa kung apple na gani ang hisgutan,dili gyud malimtan ang linya “ An apple a day keeps the doctor away”.

Almonds- Ang uban naglikay sa  nuts gumikan kay matud pa mantikaon kaayo ang maong pagkaon.  Apan nasuta nga ang mantika niini makaayo sa lawas sa tawo. Ang Vitamin E nga naa sa almonds makatabang sa pagbalanse sa cholesterol level sa lawas. Ang pagkaon og upat ngadto sa lima ka almonds matag buntag makamintinar alang sa himsog nga kasingkasing.

Soy-  Ang uban dili ganahan sa lasa niini, apan dako kini og kontribusyon alang sa himsog nga kasingkasing. Ang protein niini  makatabang nga malikay  sa stroke.

Berries—Abunda  sa vitamin C ang Strawberries, cranberries, blueberries, mulberry, huckleberry, gooseberry ug uban pa nga mga berries. Aduna pud kini  calcium ug beta-carotene.

Salmon— Mopangga sa kasingkasing pinaagi sa omega-3 fatty acids nga naa sa isda. Malikayan usab ang pagbagtok sa dugo gumikan sa maong pagkaon. Gisugyot nga mokaon og isda bisan kaduha sa usa ka semana.

Tamatis— Adunay  lycopene (a phytochemical)  ang tamatis nga makatabang sa pagpaminos sa cholesterol ug paglikay sa cancer.  Adunay mga pagtuon nga ang mga lalaki  nga kanunay mokaon  og mga pagkaon nga abunda sa   lycopene , minos lang tsansa nga makabaton og prostate cancer ug sakit sa kasingkasing. Makatabang usab kini alang sa maayong  memory.

Green leafy vegetables – Gisugyot nga bisan kausa sa usa ka adlaw, dili kalimtan  ang pagkaon og  â€œgreen leafy vegetables” aron malikayan ang sakit sa kasingkasing.

Oats- Sugdi ang imong adlaw sa pagkaon og oats. Abunda kini sa fiber, omega-3 fatty acids, folate, ug potassium. Makatabang kini sa pagpaminos sa  cholesterol level sa lawas.

Brown rice-  Aduna kini mga nutrients  nga manalipod sa lawas batok sa high blood pressure ug  atherosclerosis. Maayo usab kini nga tinubdan sa fiber ug makatabang sa pagpaubos sa cholesterol level sa lawas.

Red Wine-  Likayi na lang ang beer ug  whiskey ug giaghat mo  nga mobalhin sa red wine. Ang  antioxidants nga naa sa  red wine gitawag og  polyphenols  aron wala’y  mga babag sa agianan sa dugo sa lawas. (Gikan sa Yahoo Philippines)