Nakita ko na pati sina Karylle, Sitti, Tippi Dos Santos, at Rita Iringan pala ay nag-audition para sa Miss Saigon. Kahapon pati si Rachel Ann Go ay sumabak din. Biruin mo, malalaki na silang pangalan pero nakipagsabayan sa maraming walang pangalan na sumali.
Good luck sa kanila! Hindi na ’yan pagalingan. Suwerte-suwerte na lang ’yan dahil halos lahat ng sumali ay marunong kumanta.
SEN. BONG HINDI NATINAG SA PAGIGING KAPUSO
Kahit pala may tempting offer si Sen. Bong Revilla, Jr. sa isang malaking network, nagpasya itong manatili sa GMA 7 na kung saan ay may loyalty siya. Bakit naman hindi eh, malaki na’t matagal ang pinagsamahan nila?
Nakakatawa lang ang nag-offer sa kanya dahil may malaki itong serye na gagawin sa Kapuso Network. Marahuyo man ito, matatagalan pa dahil sa seryeng Indio na sa 2013 pa magsisimula. Hanap na lang kaya sila ng iba?