CEBU, Philippines - Gidapit mismo sa producer ug host sa sikat nga show nga The Voice nga si Carson Daly ang Youtube sensation nga si Zendee Rose Tenerefe human niya malantawi ang video niini sa Youtube.
Kung modayon siya sa maong show, mahimamat niya ang mga hurado nga sila si Christina Aguilera, Cee Lo Green, Adam Levine ug Blake Shelton.
Suma pa ni Daly nga nahugyaw siya sa nakita niya nga video ni Zendee nga mikanta sa mall.
Ang maong video nagpakita sa pagkanta ni Zendee og “And I Am Telling You kung diin gitapok-an siya sa mga tawo nga nanuroy sa mall.
Una na nga giimbitar si Zendee kinsa nailhan usab isip “Random Girl in SM Megamall” sa programa ni Ellen DeGeneres.
Makita na si Zendee sa Manny Many Prizes matag Sabado ug Party Pilipinas matag Domingo sa GMA-7.