Wow! napakalaki naman pala ang diumano’y halagang ibinayad ng Technical Education and Skills Development Authority o TESDA sa Pop Princess na si Sarah Geronimo nang ito ay maging endorser nila.
Sa kabila ng kawalan ng kakayahan ng nasabing ahensiya ng gobyerno ngayon na nasa pamumuno ni Joel Villanueva gusto sana nilang kumuha ng bagong endorser para maipaabot sa lahat ang kahalagahan ng vocational education, sa halip na isang four o two year degree courses, layunin ng bagong administrasyon ng TESDA na madagdagan ang employability ng mga technical - vocational graduates sa kabila ng napakalaking ibinaba ng kanilang budget, P700M ngayon, kumpara sa mga nakaraang taon na P5.5 B, na kalimitang ginugugol para sa Training for Work Scholarship Program (TWSP) at sa mga nabibigyan ng Private Education Student Financial Assistance (PESFA).
Ang mga graduates ng TESDA ay inaasahang mabibigyan ng trabaho bilang wage employee o kaya naman ay self employed makatapos ang pinaka-matagal na ay isang taong training.
“We will work harder para masiguro na ang mga scholars ng TESDA ay mabigyan ng kaalaman at praktikal na kakayahan ng aming mga tech-voc programs para maihanda sila ng husto sa kanilang pagtatrabaho dito man o sa ibang bansa,” anang batang director general ng TESDA na tatlong ulit naging congressman at minsang nakasalamuha na ng maraming entertainment writers nang ma-involve ito sa paggawa ng indie films.
* * *
Isang Pinay singer na mahigit 10 taon ding kumanta sa Malaysia ang nagpasyang gumawa ng album at pansamantalang manatili muna ng bansa para sa promosyon nito. Siya si Maggie Trinidad, tinaguriang Asia’s Diva na ang debut album na Back Home ay ini-release na ng Mamarazzi Entertainment Production.
Ang album ay naglalaman ng anim na original compositions (Basta’t May Himig, Pahiwatig, The Only One, Nais Kong Malaman Mo at Basta Mag-Rock ‘N Roll) at ang isa na siya mismo ang nag-compose (Dark Clouds) at dalawang revivals, ang Hoy Mister Ligaw Tingin at Sumigaw Ka Na Lang na parehong pinasikat nun ni Paula Luz.