CEBU, Philippines - Giuyonan sa Quezon City Prosecutor’s Office ang kasong Qualified Theft nga gipasaka ni Jennylyn Mercado batok sa kanhi niya PA ug road manager nga si Rowena Pulmano.
Base sa resolusyon nga giluwatan ni Assistant City Prosecutor Arleen T. Tagaban, nga nasuta sa preliminary investigation nga duna gyu’y tulubagon ang akusado.`“No bail” ang rekomendasyon sa City Prosecutor’s Office alang kang Mel. Nahisgutan usab sa resolusyon ang mga tseke ni Jennylyn nga nagamit ni Mel alang sa iyang personal needs nga mikabat ngadto sa P460,000.00.
Sa laing bahin , gibasura sa korte ang kasong Robbery nga gipasaka ni Mel batok kang Jennylyn sa Provincial Prosecution Office sa Rizal. Kini may labot sa pasangil ni Mel nga matud pa gikuha sa young actress ang nagkalain-laing niya nga mga alahas ug sa iyang anak nga si Bianca nga nagkantidad og P140,000.00
Matud sa joint resolution nga pirmado ni Asst. Provincial Prosecutor Gloria T. Marinduque-de Guzman, walay igong basehanan, busa gibasura… (Sanden J. Anadia)