CAVITE , Philippines — Isang hindi kilalang lalaki ang natagpuang patay na nakasilid sa isang garbage bag at nakabalot ng packing tape ang buong katawan at ulo sa kahabaan ng Ternate-Nasugbu Road sa Brgy. Sapang 1, bayan ng Ternate, dito sa lalawigan, kamakalawa ng hapon.
Sa ulat ng pulisya, alas-3:45 ng hapon nang madiskubre ang isang itim na garbage bag na may laman sa loob ng ilang mga nagdaraan sa nasabing lugar.
Sa pagsisiyasat ng pulisya, bumulaga sa kanila ang laman ng garbage na isang patay na lalaki na nakabalot ng packing tape simula sa ulo nito hanggang sa paa.
Posibleng itinapon lamang sa nasabing lugar ang biktima at sa ibang lugar ito pinatay.
Kasalulkuyan ng nagsasagawa ng follow up ang pulisya hinggil sa nasabing insidente.