MANILA, Philippines — Dalawang lalaki na tinaguriang most wanted persons ang naaresto sa isang manhunt operation sa Mabalacat City, Pampanga, kahapon.
Kinilala ni Col. Levi Hope Basilio, Pampanga police provincial director, ang mga naaresto na sina alias Ka Arjay ng Barangay Lacandula at alias Ka Kulangot, ng Dau ng nasabing lungsod.
Si Ka Arjay ay naaresto sa bisa ng warrant of arrest sa kasong robbery with intimidation of person habang si Ka Kulangot sa kasong homicide na kapwa nasa kustodiya ng Mabalacat City police.
Ayon kay Basilio na ang Pampanga police ay patuloy ang pagtugis sa mga wanted na suspek.