OFW, 1 pa nasakote sa higit P100K shabu
CAVITE, Philippines — Arestado ang isang 54 -anyos na overseas Filipino worker (OFW) at kasama nito matapos mahulihan ng mahigit P100,000 na halaga ng shabu sa inilatag na drug bust operation ng mga awtoridad kahapon ng madaling araw sa Brgy. 23, Cavite City.
Kinilala ang mga suspek na sina Luner Ong Cruz, 54-anyos, OFW at ang babaeng kasama nito na si Jeselyn Camerino Mahusay, 46-anyos; kapwa residente ng Brgy. 23, Cavite City.
Sa ulat mula kay P/Cpl. Jumar Bedural, may hawak ng kaso, nagsagawa ng buy-bust operation ang mga operatiba ng Cavite City Police-Drug Enforcement Unit (DEU) dakong alas-6:15 ng umaga sa mismong bahay ng mga suspek matapos ang ilang araw na surveillance.
Nakumpiska sa operasyon ang 3-plastic sachet na naglalaman ng mga shabu na aabot sa may mahigit 16 gramo at tinatayang may halagang P108,800, mga drug paraphernalia at buy-bust money na ginamit sa operasyon.
- Latest