BOCAUE, Bulacan, Philippines — Tatlong drug suspek ang naaresto ng mga otoridad sa isang drug buy-bust operation kamakalawa ng gabi sa Brgy. Bunlo, ng bayang ito.
Kinilala ang tatlong suspek na sina Jayson Bagawang, 50, ng Brgy. San Antonio, Quezon City; Edwardo Elgarlino, 45, ng Brgy. Balon Bato, Teachers Bliss, Balintawak, Quezon City at Sarah Biscante, 44,ng Quezon City at nakumpiska sa kanila ang nasa P3.4M halaga ng ipinagbabawal na droga.
Sa imbestigasyon, alas-9:20 ng gabi nang maglatag ng drug bust operation ang Bocaue police sa nasabing Barangay matapos makatanggap ng impormasyon na ginagawang bagsakan ng iligal na droga ang nasabing lugar ng tatlong suspek.
Hindi na nakapalag ang mga suspek nang arestuhin ng mga pulis at doon nakumpiska ang isang brown tape sealed foil pack na naglalaman ng white crystalline substance ng hinihinalang shabu na tumitimbang ng humigit kumulang sa 500 gramo.