4 miyembro ng NPA sumuko
CAMP OLIVAS, Pampanga , Philippines — Nagbalik-loob sa pamahalaan ang ang apat na miyembro ng New People’s Army (NPA) at isinuko ang kanilang mga armas sa Bongabon, Nueva Ecija,kamakalawa.
Ayon kay Lt. Col. Reandrew Rubio, commander of the Philippine Army’s 91st Infantry Battalion, na ang pagsuko ng mga rebelde ay resulta ng patuloy na paghihikayat ng local government unit at security forces sa mga rebelde na magbagong buhay at bibigyan ng tulong ng pamahalaan.
Kinilala ang mga nagsisuko na sina Ariel Tumenez, alias Ka Smith, na isinuko ang kanyang improvised .45-caliber rifle, improvised 12-gauge shotgun, at hand grenade; Meraljane Vigilia, alias Ka Vincent, ng Militia ng Bayan - Komiteng Larangang Guerilla Sierra Madre (MB KLG Sierra Madre; Dianne Cruz, alias ka Leslie, na miyembro din ng Sierra Madre unit na isinuko ang kanyang 12-gauge shotgun; at Adrian Salcedo, alias Ka Joma, ng MB Sandatahang Yunit Sierra Madre.
Ang mga nagsisisuko ay may makukuhang benepisyo mula sa National Task Force to End Local Communist Armed Conflict.
- Latest
