Sa loob ng 24 oras…
MANILA, Philippines — Patay ang tatlong miyembro ng pamilya matapos na magpositibo sa Covid-19 at sa loob lamang ng 24 oras sa Barangay Villa Pag-asa sa Bayan ng Bansud, Oriental Mindoro.
Ayon kay Bansud Vice Mayor Tolentino, kasalukuyang mayroong 51 pamilya ang apektado at isasailalim sa home quarantine o granular lockdown sa nasabing lugar.
Sa ulat, agad inilibing ang mga namatay nang hindi nasisilayan ng ilang kamag-anak at mga kaibigan dahil positibo ang mga ito sa nakakahawang virus.
Paalala ng opisyal na mag-ingat at sumunod sa minimum health protocols tulad ng pagsuot ng face mask, face shield at physical distancing kapag nasa labas ng bahay dahil nasa paligid lamang ang banta ng virus.