MANILA, Philippines — Niratrat ng mga rebeldeng New People’s Army (NPA) ang sinasakyan ng mga pulis at health workers na kukuha lamang ng COVID-19 vaccines sa lalawigan ng Samar nitong Miyerkules.
Batay sa ulat mula sa PRO 8, lulan ng sasakyan ang mga tauhan ng Calbayog City Police Station at health workers ng Calbayog City Health Office at binabaybay ang daan patungong Department of Health Regional Office sa Tacloban para sa mga bakuna nang paulanan ng mga bala ang kanilang sasakyan sa Barangay Lale, Pinabacdao ng lalawigan.
Sa kabutihang palad ay naprotektahan ng kapulisan ang sakay nito at walang naitalang nasaktan.
Inutos ni Philippine National Police (PNP) Chief Guillermo Eleazar kay Police Regional Office Director Brig. Gen. Ronaldo de Jesus na hanapin ang mga salarin nang mabigyan ng karampatang legal na aksyon ang mga lider ng CPP-NPA-NDF sa lugar.