3 ‘most wanted’ natimbog
MANILA, Philippines — Tatlong most wanted sa batas ang nasakote ng mga operatiba ng PNP-Criminal Investigation and Detection Group (PNP-CIDG) sa magkakahiwalay na manhunt operations sa Negros Oriental, Davao del Sur at Negros Occidental kamakalawa.
Sa report na tinanggap ni PNP-CIDG Director P/ Major Gen. Albert Ignatius Ferro ang wanted na si Porferio Tubog, 71, ay inaresto ng CIDG Field Unit sa Dumaguete City, Negros Oriental sa bisa ng warrant of arrest kaugnay ng 44 counts ng paglabag sa General Banking Act of 2000 at may nakalaang piyansang P60,000 kada kaso o kabuuang P1,640,000 para sa pansamantala nitong kalayaan.
Sa isinagawang operasyon sa Zone 3 Digos City, Davao del Sur, nasakote rin ng Davao del Sur Provincial Field Unit 11 ang most wanted na si Mark Kenneth Gomez sa kasong murder.
Sa isa pang operasyon, nabitag si Romeo Panaguiton, 71-anyos, sa Purok 6, Brgy. La Granja, La Carlota City sa kasong paglabag sa Republic Act 9287 o illegal gambling at walang inirekomendang piyansa para rito.
- Latest
