2 ‘wanted’ sa kasong robbery timbog
OLONGAPO CITY, Philippines — Nalambat ng mga tauhan ng Olongapo City Police Office ang dalawang wanted person sa magkahiwalay na manhunt operation kamakalawa sa lungsod na ito
Kinilala ng pulisya ang unang naaresto na si Ar Jhay De Jesus, 19-anyos, binata at residente ng Tabacuhan St, Barangay Sta. Rita, Olongapo City. Siya ay dinakip base sa bisa ng warrant of arrest na inisyu ni Rosalinda Roxas Jungco-Abrigo, Presiding Judge ng Third Judicial Region MTCC Branch 3 sa Olongapo City sa kasong robbery.
Arestado rin ng pulisya ang kasamahan ni De Jesus na si Ryan Alcantara, 20-anyos, binata na kabilang umano sa “Most Wanted Person” sa lungsod para sa kaparehong kaso.
Ang dalawang naarestong suspek ay sangkot umano sa pagnanakaw sa isang pribadong gusali sa lungsod. Nagrekomenda ang korte ng halagang P18,000 na piyansa para sa pansamantalang kalayaan ng dalawang nadakip.
- Latest