Zamboanga City nasa MECQ na; Tacloban City, MGCQ
MANILA, Philippines — Isinailalim na sa modified enhanced community quarantine (MECQ) ang Zamboanga City at sa mas maluwag na modified general community quarantine (MGCQ) ang Tacloban, ayon sa Malacañang kahapon.
Sinabi ni Presidential Spokesperson Harry Roque na inaprubahan ng Inter-Agency Task Force (IATF) on Emerging Infectious Diseases ang apela ng Zamboanga City na mailagay ito sa MECQ mula kahapon hanggang ika-14 ng Mayo.
Mismong ang Tacloban City din ang umapela na mailagay sa MGCQ na dapat sana ay nasa general community quarantine (GCQ) hanggang Mayo 30, 2021.
“Inaprubahan din po ng IATF ang apela ng Tacloban City na mapasailalim po sa Modified General Community Quarantine or MGCQ.
Ito naman po ay effective immediately at tatagal hanggang Mayo a-treinta’y uno ng taong ito,” dagdag ni Roque.
- Latest