Suspek sa panghahalay ng 3-anyos, utas kay hepe
TUGUEGARAO CITY, Cagayan , Philippines — Bulagta mismo sa hepe ng pulisya ang isang tricycle driver na umano’y inaresto sa panghahalay ng 3-anyos na nene matapos mang-agaw ng baril at manlaban sa loob ng Police Station ng Solano, Nueva Viscaya noong Sabado.
Patay agad si Delmar Cadiente, 31, matapos siyang gantihan ng putok ni P/Captain Jet Sayno, hepe ng Solano Police Station.
Nabatid na sumasailalim sa booking procedure si Cadiente nang inagaw umano nito ang baril ng katabing pulis saka nagpaputok dakong ala-una ng hapon.
Lumalabas sa imbestigasyon na dinampot ng awtoridad si Cadiente sa kanyang bahay sa Barangay Osmeña isang oras matapos siyang ireklamo ng ina ng bata na umano’y namamaga ang ari dahil sa ginawang panggagahasa.
Nabatid na kasera ni Cadiente ang mag-ina sa inuupahan niyang kuwarto kung saan nito diumano sinasalisihan ang bata na minomolestya.
Isinuko ni Sayno at ang police escort ang kani-kanilang service 9mm pistol sa Scene of the Crime investigators para sa kaukulang ballistic examination upang mabatid kung may foul play sa insidente.
- Latest