MANDAON, Masbate, Philippines — Hindi na umabot nang buhay sa pagamutan ang isang 49-anyos na magsasaka matapos na barilin ng nakaalitang pinsan habang naglalakad pauwi sa Brgy. Alas ng bayang ito kamakalawa ng hapon.
Isang tama ng bala sa tagiliran ang tumapos sa buhay ng biktimang si Joseph Pardeño Villamor, may-asawa at residente ng nasabing barangay.
Tinutugis na ang tumakas na suspek na kinilalang si Jayve Villamor Cabutuan, 26-anyos, binata at residente ng Brgy. Poblacion.
Sa ulat, alas-5:30 ng hapon nakitang nag-iinuman pa ang dalawa sa bahay ng isang Linda Catolo,subalit,ilang sandali ay nagkaroon nang pagtatalo ang magpinsan pero agad namang naawat.
Nagpasya ang biktima na umuwi na pero inabangan ito ng suspek na armado ng hindi malamang kalibre ng baril saka pinutukan sa kaliwang bahagi ng katawan.