KORONADAL CITY, North Cotabato, Philippines — Isa ang nasawi habang isa ang nasugatan sa nangyaring karera ng mga motorsiklo sa lungsod ng Koronadal kahapon ng madaling araw.
Kinilala ang nasawi na si Clark Vincent Ibañez, 22, may-asawa,ng Purok Dumpsite, Brgy. Saravia, ng lungsod habang nasugatan si Deomar Farnazo Espia, 31 ng Doña Lourdes, Brgy. Zone 2.
Ayon sa ulat ni PSSgt. Fely Bascon ng Koronadal PNP-Traffic section tumilapon at bumangga sa isang tricycle ang sinasakyang motor ni Ibañez habang nagkakarera sa kahabaan ng National highway Gensan Drive, Brgy. Zone 3.
Mabilis ang pagpapatakbo ni Ibañez ng kanyang motor at una itong nabangga ng kanyang kasamang nagkakarera at dahil nawalan ng control natumba ito at nadamay ang isang tricycle na minamaneho naman ni Espia
Idineklara naman na dead-on-arrival si Ibañez pagdating sa South Cotabato Provincial Hospital habang nagtamo ng sugat sa ulo si Espia.